ຜູ້ຂັບຂີ່ຕ້ອງເຄົາລົບປະຕິບັດຕາມລະບຽບຖ້າພົບມີທາດມຶນເມົາໃນລົມຫາຍໃຈຈະໃຫ້ຢຸດການຂັບຂີ່

ກົມຕໍາຫຼວດຈະລາຈອນໃຫ້ຮູ້ວ່າ: ເພື່ອເປັນການປ້ອງກັນອຸບັດເຫດຕາມທ້ອງຖະໜົນໃນໄລ​ຍະ​ບຸນ​ປີ ​ໃໝ່​ລາວ ພສ 2564 ໂດຍສະເພາະໃນລະຫວ່າງ​ວັນ​ທີ 14 ຫາ16 ເມ​ສາ 2021 ​ທີ່​ຈະ​ມາ​ເຖິງນີ້​ວ່າ: ກົມຕໍາຫຼວດຈະລາຈອນ ກະຊວງປ້ອງກັນຄວາມສະຫງົບ​ຈະມີ​ການກວດ​ກາ​​ທາດ​ມຶນເມົາ (ເ ຫຼົ້ າ, ເ ບ ຍ) ດ້ວຍເຄື່ອງເປົ່າ,

ຕາມ​ກົດ​ໝາຍ​ຈະລາ​ຈອນ​ທາງ​ບົກ​ຄວາມ​ເຂັ້ມ​ຂຸ້ນ​ໃນ​ຮ່າງ​ກາຍ​ຂອງ​ຜູ້​ຂັບ​ຍານພາ​ຫະ​ນະ​ທຸກ​ຊະ​ນິດ​ທີ່​ສູງ​ສຸດບໍ່​ໃຫ້​ເກີນ​ດັ່ງ​ນີ້: ສຳ​ລັບ​ຜູ້​ຂັບ​ຂີ່​ລົດ​ສ່ວນ​ຕົວ 4 ລໍ້​ທຸກ​ຊະ​ນິດ ໃນ​ລົມ​ຫາຍ​ໃຈ 0,24 ມິ​ນລີກ​ຣາມ​ຕໍ່​ລິດ, ສຳ​ລັບ​ຜູ້​ຂັບ​ຂີ່​ລົດ​ຂົນ​ສົ່ງໃນ​ລົມ​ຫາຍ​ໃຈ 0 ມິ​ນລີກ​ຣາມ, ສຳ​ລັບ​ຜູ້​ຂັບ​ຂີ່​ລົດ​ຈັກ ສອງ​ລໍ້ ແລະ ສາມ​ລໍ້ 0,14 ມິ​ນລີກ​ຣາມ​ຕໍ່​ລິດ.


ກົມຕໍາຫຼວດຈະລາຈອນໃຫ້ຮູ້ຕື່ມອີກວ່າ: ຖ້າເຈົ້າໜ້າທີ່ກວດພົບຜູ້ຂັບຍານພາຫະນະດື່ມທາດມຶນເມົາເຖິງ ເກນດັ່ງກ່າວ​ກໍ​ຈະ​ໃຫ້​ຢຸດ​ການ​ຂັບ​ຂີ່​ ແລະ ​ນຳ​ໃຊ້​ມາດ​ຕະ​ການ​ປັບ​ໃໝ​ຕາມ​ດຳ​ລັດ 188 ແລະ ຈະ​ຕິດ​ຕໍ່​ຫາ​ ຍາດ​ໃກ້​ຊິດ​ເພື່ອ ​ມາ​ຂັບ​ຂີ່​ແທນ

​ຜູ້​ກ່ຽວ​ກໍ​ລະ​ນີ​ຜູ້​ກ່ຽວ​ບໍ່​ຂັດ​ຂືນ​ບໍ່​ຕ້ານ​ຄືນຕໍ່​ການ​ປະ​ຕິ​ບັດ​ໜ້າ​ ທີ່​ຂອງ​ເຈົ້າ​ໜ້າ​ທີ່, ຖ້າ​ຫາກ​ກໍ​ລະ​ນີ​ຜູ້​ ກ່ຽວ​ຂັດ​ຂືນຕໍ່​ການ​​ປະ​ຕິ​ບັດ​ໜ້າ​ທີ່​​ກໍ​ຈະ​ເບິ່ງ​ໃນ​ຂໍ້​ກົດ​ໝາຍ ​ວ່າ​ເປັນ​ການ​ຕ້ານ​ຄືນ​ຕໍ່​ການ​ປະ​ຕິ​ບັດ​ໜ້າ ​ທີ່​ຂອງ​ເຈົ້າ​ໜ້າ​ທີ່​ບໍ ?​ ກໍ​ຈະ​ເບິ່ງ​ໄປ​ຕາມ​ກໍ​ລະ​ນີ.

Author: PP

Leave a Reply

Your email address will not be published. Required fields are marked *