1. ສົນໃຈຢ່າງອື່ນ ຈົນລືມເປົ້າໝາຍ
ເຄີຍເປັນບໍ່ ທີ່ບອກກັບຕົວເອງວ່າ ດຽວເບິ່ງເຟດບຶດໜຶ່ງ
ແລ້ວຄ່ອຍກັບໄປເຮັດວຽກແລ້ວກັນ ຫຼາຍຄົນສັນຍາກັບຕົວເອງເຊັ່ນນີ້
ກ່ອນຈະຈົມຫາຍໄປກັບການທ່ອງໂລກໂຊຊຽວ
ນີ້ເປັນອີກໜຶ່ງຂໍ້ເສຍຂອງເທັກໂນໂລຢີ ທີ່ມາພ້ອມກັບຄວາມເພີດເພີນ
ເພາະຜົນລັບຂອງມັນກໍຄື ວຽກທີ່ຄວນຈະແລ້ວ ກໍບໍ່ແລ້ວ
ຫົນທາງແກ້ໄຂ: ເຮົາຕ້ອງໝັ້ນຄົງກັບເວລາ ຈັດລຳດັບຄວາມສຳຄັນໃຫ້ຊັດເຈນ
ບໍ່ຫວັ່ນໄຫວໄປກັບສິ່ງຢົ້ວຢວນຕ່າງໆ ທີ່ຮູ້ກັນດີຢູ່ແລ້ວວ່າ ເຮັດໃຫ້ເສຍເວລາ
2. ຍຶດຕິດກັບຄວາມຝັນ ທີ່ເລື່ອນລອຍ
ໃຜໆ ກໍມີຄວາມຝັນ ແຕ່ຫາກໃຊ້ຊີວິດອີງຢູ່ກັບຄວາມເພີ້ຝັນ
ຈົນຫຼົງລືມເບິ່ງຄວາມເປັນຈິງ ຈະເຮັດໃຫ້ຕິດຢູ່ໃນກັບດັກ
ແຫ່ງຈິດຕະນາການຈົນບໍ່ຄິດຈະພະຍາຍາມຢ່າງເອົາຈິງເອົາຈັງ
ເຊັ່ນ ວາດຝັນວ່າຈະໄດ້ແຕ່ງງານກັບໃຜບາງຄົນ
ຝັນຈະໄດ້ໄປເປີດຮ້ານນວດ ທີ່ຕ່າງປະເທດ
ແຕ່ບໍ່ສຶກສາພາສາ ຫຼື ຫຍັງເລີຍ
ຫົນທາງແກ້ໄຂ : ເຈົ້າຮູ້ວ່າຕົວເອງກຳລັງເປັນຄົນແບບໃດ
ກ້າວອອກມາຈາກຄວາມເຄີຍຊິນໃນຊີວິດ
ແລ້ວເຮັດບາງຢ່າງທີ່ເຮົາບໍ່ເຄີຍເຮັດສຳເລັດມາກ່ອນ ໃຫ້ສຳເລັດເບິ່ງຈັກເທື່ອ
ແທນການຈົມຈ່ອມຢູ່ກັບໂລກຈິນຕະນາການ
3. ບໍ່ມີແຮງຈູງໃຈ ແລະ ຄວາມພະຍາຍາມ
ເຄີຍຕັ້ງໃຈຈະເຮັດຫຍັງ ແຕ່ກັບພັບ Project ນັ້ນໄປເຄິ່ງໆ
ກາງໆແດ່ບໍ່ ເຊື່ອວ່າບາງຄັ້ງ ເຈົ້າເອງກໍເຄີຍເປັນແບບນີ້
ແຕ່ເຮັດໆໄປໄດ້ປະມານອາທິດ
ກໍເລີກຊະແລ້ວ ທີ່ມັນເປັນເຊັ່ນນີ້ກໍເພາະເຮົາບໍ່ມີຄວາມມຸ່ງໝັ້ນ
ແລະ ຄວາມຕ້ອງການທີ່ຈະເຮັດ ການເຮັດຫຍັງຢ່າງຕັ້ງໃຈ
ພຽງແຕ່ບໍ່ຈັກມື້ກໍເລີກ ນັ້ນເປັນພຶດຕິກຳທີ່
ບັນດາຄົນທີ່ເຂົາລະບຽບວິໄນ ເປັນກັນຕະຫຼອດ
ຫົນທາງແກ້ໄຂ : ໃຫ້ຈົດຈໍ່ກັບສິ່ງທີ່ຕ້ອງເຮັດ
ອາດຈະເລີ່ມຢ່າງຄ່ອຍເປັນຄ່ອຍໄປກ່ອນ ເມື່ອເຮົາພະຍາຍາມ
ເຮັດສິ່ງນີ້ຈົນສຳເລັດແລ້ວ ມັນຈະດີຂະໜາດໃດ ບໍ່ຄວນກົດດັນ
ຕົວເອງເກີນໄປ ມັນອາດຈະສົ່ງຜົນເສຍກັບສຸຂະພາບ
ຫຼື ເຮັດໃຫ້ລົ້ມເລີກຄວາມຕັ້ງໃຈໄປກາງທາງອີກຄັ້ງ
4. ເອົາແຕ່ໂທດຄົນອື່ນຢູ່ຕະຫຼອດ
ກັບບາງຄົນພໍເກີດມີສິ່ງໃດຜິດພາດຂຶ້ນມາ ກໍມັນຈະໂທດຄົນອື່ນ
ເຊັ່ນ ໂທດ ດິນ ຟ້າ ອາກາດ ຄົນຮອບຂ້າງ ວ່າເປັນ
ຕົ້ນເຫດຂອງທຸກຄວາມລົ້ມເຫຼວໃນຊີວິດເຮົາ
ຂໍໃຫ້ທົບທວນດີໆ ແລະ ປັບທັດສະນະຄະຕິໃໝ່ ເຮົາອາດນຶກເສຍໃຈ
ກັບເລື່ອງທີ່ພາດໄດ້ ແຕ່ຫາກຈະໂທດຄົນອື່ນໆ ໄປກໍບໍ່ເກີດປະໂຫຍດຫຍັງເລີຍ
ຫົນທາງແກ້ໄຂ : ທາງດຽວທີ່ຈະແກ້ໄຂ ນັ້ນຄືລຸກຂຶ້ນມາຕັ້ງເປົ້າໝາຍ
ແລ້ວພະຍາຍາມດ້ວຍຕົວເອງ ຈະສຳເລັດຫຼືລົ້ມເຫຼວຂຶ້ນຢູ່ກັບຕົວເຈົ້າເອງແລ້ວ
5. ວິເຄາະຕົວເອງ ຈົນບໍ່ເລີ່ມຫຍັງເລີຍ
ການວິເຄາະຕົວເອງຫຼາຍໄປ ຈະເຮັດໃຫ້ເຮົາຄ່ອຍໆ
ຄົ້ນພົບບັນຫາໃນຕົວເອງຫຼາຍຂຶ້ນ ກໍຄື ມັນຈະເລີ່ມຢັ່ງຮາກເລີກໃນຕົວເຈົ້າ
ເຮັດໃຫ້ເຈົ້າຮູ້ສຶກບໍ່ດີກັບເຫດການຮ້າຍໆ ຕ່າງໆທີ່ຜ່ານມາ
ຫຼື ທີ່ຍັງບໍ່ເກີດ ແນ່ນອນວ່າເຊັ່ນນີ້ຈະຍິ່ງເຮັດໃຫ້
ຄຽດກວ່າເດີມ ແລະ ຈະບໍ່ເລີ່ມຕົ້ນເຮັດຫຍັງເລີຍ
ຫົນທາງແກ້ໄຂ : ເຮົາຄວນຈະເບິ່ງຫາຄວາມເພິ່ງພໍໃຈດ້ານບວກຂອງຕົນ
ເຊິ່ງຈະຊ່ວຍໃຫ້ເຮົາຮູ້ສຶກກະຕືລືລົ້ນ
ແລະ ກ້າທີ່ຈະເລີ່ມຕົ້ນລົງມືເຮັດບາງຢ່າງນັ້ນເອງ
6. ຢ້ານແຕ່ຍັງບໍ່ເຮັດຫຍັງເລີຍ
ຈາກເລື່ອງລາວຄວາມລົ້ມເຫຼວຂອງຄົນອື່ນທີ່ເຮົາໄດ້ຮັບຮູ້ມາ
ອາດເປັນອີກເຫດຜົນທີ່ເຮັດໃຫ້ເຮົາຍັງບໍ່ກ້າລອງເຮັດສິ່ງໃໝ່ໆ
ນັ້ນເພາະເກງວ່າຈະເຮັດໄດ້ບໍ່ດີພໍ ຢ້ານຈະເປັນແບບເຂົາ
ຫົນທາງແກ້ໄຂ : ຈົ່ງລອງວິເຄາະສະຖານະການຂອງຕົວເອງກ່ອນ
ທົບທວນບັນຫາ ແລະ ອຸປະສັກຂອງຕົວເອງຈາກສາຍຕາຄົນນອກ
ບໍ່ມີຄວາມສຳເລັດຮູບແບບໃດ ເກີດຂຶ້ນໄດ້ ຖ້າເຮົາບໍ່ເລີ່ມລົງມືເຮັດ
ໃຫ້ຄິດເລີຍວ່າ ການລອງຜິດລອງຖືກ ເປັນເລື່ອງທຳມະດາທົ່ວໄປ
7. ໂຍນຄວາມຮັບຜິດຊອບ
ແມ້ທຸກຄວາມຜິດພາດໃນຊີວິດຈະບໍ່ແມ່ນຄວາມຜິດເຮົາທັງໝົດ
ແຕ່ຖ້າມັນກ່ຽວກັບເຮົາ ເຮົາກໍຕ້ອງຍອມຮັບ
ວ່າຕົວເອງມີສ່ວນໃນການຮັບຜິດຊອບນຳ
ການໂຍນຄວາມຮັບຜິດຊອບໃຫ້ຄົນອື່ນ ບໍ່ໄດ້ຊ່ວຍໃຫ້ຫຍັງດີຂຶ້ນ
ກັບກັນຫາກເຈົ້າຍອມຮັບຄວາມຜິດ
ແລະ ປ່ຽນແປງບາງສິ່ງແດ່ ຈິດສຳນຶກໃນຄວາມຮັບຜິດຊອບນີ້
ຈະພາຊີວິດເຈົ້າໄປຍັງທິດທາງທີ່ດີຂຶ້ນ
ຫົນທາງແກ້ໄຂ : ຄິດຫາໄອເດຍສຳຫຼັບແກ້ບັນຫາທີ່ເກີດ
ນອກຈາກຈະໄດ້ເພີ່ມສັກກະຍະພາບໃນການເຮັດວຽກແລ້ວ
ເຮົາຈະໄດ້ບໍ່ຮູ້ສຶກບໍ່ດີກັບຕົວເອງທີ່ຫຼັງ
ທີ່ໃຫ້ມັນຜ່ານໄປໂດຍບໍ່ເຮັດສິ່ງໃດເລີຍ
