ເປັນຫຍັງ? ຈິ່ງຍົກເລີກຕັ້ງດ່ານຕາມຈຸດຕ່າງໆໃນນະຄອນຫຼວງວຽງຈັນ ຢາກຮູ້ (ກົດອ່ານ)

ສາເຫດທີ່ຍົກເລີກການຕັ້ງດ່ານຢູ່ນະຄອນຫຼວງວຽງຈັນ ກໍ່ເພື່ອຮັກສາຄວາມສົມດູນທາງດ້ານເສດຖະກິດ

+ ທ່ານ ພູວົງ ວົງຄຳຊາວ ຮອງເຈົ້າຄອງ ຫົວໜ້າຄະນະ ສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂການ ລະບາດພະຍາດໂຄວິດ-19 ນະຄອນຫຼວງວຽງຈັນ ໃຫ້ ສຳພາດໃນວັນທີ 6 ຕຸລາ 2021 ທີ່ຫ້ອງວ່າການ ນະຄອນຫຼວງວຽງຈັນວ່າ: ການລະບາດພະຍາດໂຄ ວິດ-19 ຢູ່ຊຸມຊົນຂອງນະຄອນຫຼວງວຽງຈັນ ເປັນການ ລະບາດໃຫຍ່ໃນຊຸມຊົນ ໄດ້ຂະຫຍາຍອອກໄປເປັນວົງ ກວ້າງໃນຫຼາຍບ້ານ ມາຮອດປັດຈຸບັນ ມີທັງໝົດ 187 ບ້ານແດງ ຈໍານວນຜູ້ຕິດເຊື້ອຊົງຕົວຢູ່ໃນລະດັບ 100 ຫາ 200 ປາຍຄົນ ສະເລ່ຍໃນໄລຍະທີ່ລະບາດແຮງ ຢູ່ໃນລະດັບ 200 ປາຍຄົນຕໍ່ວັນ ມີມື້ໜຶ່ງເພີ່ມຂຶ້ນສູງສຸດ ເຖິງ 400 ຄົນ.

ໝາຍຄວາມວ່າຍັງມີລະບາດຢູ່ໃນລະດັບສູງ ຕໍ່ກັບສະພາບການດັ່ງກ່າວ ນະຄອນຫຼວງວຽງຈັນໄດ້ມີ ມາດຕະການ ໂດຍລວມໄດ້ນຳໃຊ້ຄຳສັ່ງເລກທີ 016/ນຍ ມາຜັນຂະຫຍາຍເປັນແຈ້ງການ 037/ຈນວ ຂອງເຈົ້າຄອງນະຄອນຫຼວງວຽງ ໃນນັ້ນ ເຫັນປະຈັກຕາ ແມ່ນມາດຕະການລັດການເດີນທາງ ເຊິ່ງໄດ້ຖອນດ່ານ ຍາມຕ່າງໆຕາມຈຸດທາງຫຼວງອອກ. ເຫຼືອແຕ່ເສັ້ນທາງ ຊາຍແດນນະຄອນຫຼວງວຽງຈັນກັບແຂວງຕ່າງໆ ແລ້ວສຸມກຳລັງ ປກສ-ປກຊ ເມືອງ ແລະ ກຸ່ມ ໄປຊ່ວຍບ້ານ ເພື່ອປິດ ຫຼື ຈຳກັດບໍລິເວນສະເພາະຢູ່ໃນເຂດບ້ານແດງ, ໜ່ວຍ, ຮ່ອມທາງ ແລະ ເຮືອນທີ່ເປັນເຂດແດງ.

+ ສາເຫດທີ່ການຍົກເລີກດ່ານຢູ່ຕາມຖະໜົນຫຼວງ ຍ້ອນເບິ່ງສະຖານະການແລ້ວ ການຈຳກັດເຄັ່ງຄັດ ໂດຍໃຊ້ການລັດຕາມຖະໜົນຫົນທາງບໍ່ມີປະສິດທິຜົນ ເທົ່າໃ. ເທົ່າໃດຍ້ອນວ່າພວກເຮົາຍັງຮັກສາຄວາມສົມດູນລະ ຫວ່າງມາດຕະການປ້ອງກັນການລະບາດພະຍາດໂຄ ວິດ-19 ກັບມາດຕະການທາງເສດຖະກິດ ເຊິ່ງພວກເຮົາບໍ່ປ່ອຍໃຫ້ເສດຖະກິດຫຼົ້ມຈົມ ຫຼື ບໍ່ສາມາດເດີນໄປໜ້າໄດ້. + ພ້ອມນັ້ນ, ໃນຄຳສັ່ງເລກທີ 016/ນຍ ພັດມີນະໂຍບາຍຜ່ອນຜັນອະນຸຍາດໃຫ້ທຳການຜະລິດ ແລະ ເປີດການບໍລິການທີ່ສຳຄັນເຊັ່ນ: ທະນາຄານ, ສະຖາບັນການເງິນ, ໄຟຟ້າ ແລະ ຄົມມະນາຄົມຂົນສົ່ງ ຈຶ່ງເຮັດໃຫ້ລົດແລ່ນຕາມທ້ອງຖະໜົນແຕ່ລະມື້ຫຼາຍ.

ເນື່ອງຈາກວ່ານະຄອນຫຼວງວຽງຈັນ ເປັນສູນລວມຕົວເລກທາງດ້ານການຜະລິດ ແລະ ການບໍລິການສູງ ເມື່ອທຽບໃສ່ແຂວງອື່ນໆ. ນອກນັ້ນ, ພາຍຫຼັງທີ່ເລີກການຕັ້ງດ່ານການສັນຈອນເກືອບວ່າປົກກະຕິ ເພາະເຮົາຍັງອະນຸຍາດໃຫ້ໄປປະຈຳການ, ໄປເຮັດການຜະລິດ, ການບໍລິການ ແລະ ສ່ວນໂຮງຈັກໂຮງງານ. ກໍໄດ້ປະເມີນມາດຕະການປ້ອງກັນການລະບາດພະຍາດໂຄວິດ-19 ຖ້າບໍ່ມີຄວາມສ່ຽງ ມີມາດຕະການປ້ອງກັນທີ່ເຂັ້ມງວດ ແມ່ນໃຫ້ເປີດທຳການຜະລິດ.

ພ້ອມນັ້ນ, ກໍໄດ້ເຮັດສັນຍາກັບຜູ້ປະກອບການ ໃຫ້ມີຄວາມຮັບຜິດຊອບຮ່ວມຕໍ່ສັງຄົມ ຄ່າພັກ-ເຊົາ, ຄ່າປິ່ນປົວ, ຄ່າອາຫານ ເຄື່ອງດື່ມ ແລະ ມາດຕະການທາງການແພດໃນກໍລະນີພະນັກງານຂອງຕົນມີຄວາມສ່ຽງ ຫຼື ຕິດເຊື້ອພະຍາດ.

Author: PP

Leave a Reply

Your email address will not be published. Required fields are marked *